ACE FACE 韓國最耀眼香港之星頒獎禮星光熠熠 小演員代Alton領獎 蘇家樂首奪獎特別興奮

https://www.bastillepost.com/hongkong/article/15223202-ace-face-%E9%9F%93%E5%9C%8B%E6%9C%80%E8%80%80%E7%9C%BC%E9%A6%99%E6%B8%AF%E4%B9%8B%E6%98%9F%E9%A0%92%E7%8D%8E%E7%A6%AE%E6%98%9F%E5%85%89%E7%86%A0%E7%86%A0-%E5%B0%8F%E6%BC%94%E5%93%A1%E4%BB%A3alton

每年在韓國舉行的《Face of Asia》是頒獎予演藝及時尚界的代表性人物，表揚他 們在推動時尚潮流及文化交流方面的貢獻。過去在韓國的得獎者包括金秀賢、宋仲基、安普賢、李宰旭、東方神起、車勝元、權相佑、崔智友、少女時代、李炳 憲、林志玲、言承旭等知名人士。作為《Face of Asia》香港賽區的主辦方韓國 ACE 娛樂，今年代表韓國舉行《ACE FACE OF HONG KONG STAR AWARDS 韓國最耀眼香 港之星頒獎典禮》，向本地電影、電視、音樂等界別的代表人物頒發大獎，以表 揚他們在所屬領域中的耀眼表現。得獎單位全由公眾提名及投票，並由韓國著名 演藝社長、製作人、音樂總監等核實賽果。由韓國 ACE Entertainment(韓國 ACE 娛樂)主辦《第二屆 ACE FACE OF HONG KONG STAR AWARDS 韓國最耀眼香港之 星頒獎典禮》則為表揚 2024/2025 年度香港演藝圈有耀眼成績的單位和藝人。

得到「最耀眼全方位男藝人」的黃浩然坦言上次攞獎已是好耐歷史的事，「有獎 攞梗係開心，但我老婆開心過我，因為佢好鍾意睇韓國愛情劇，成日話我畀唔到 浪漫感覺佢，全靠韓劇搵返呢份浪漫。對於全方位藝人，講真我以前都好悶，係 個幾單向嘅藝人，咩都唔敢試，直至我有咗兩個囝囝，加上太太鼓勵我試多啲新 嘢，加上自己年紀都唔細，再唔試就冇乜時間再試，所以呢幾年我試咗好多唔同 嘅嘢，愈係難愈係覺得自己做唔到嘅嘢，我就愈去挑戰，譬如唱歌同跳舞，本身 呢啲都係弱項，嚟緊我都想挑戰吓啲動作嘢，都會學吓功夫，再挑戰最弱嘅嘢， 畀多啲唔同面向觀眾睇，自己有新鮮感之餘，都可以帶到多啲新鮮感畀觀眾。」 獲得「最耀眼全方位女藝人」的蔣怡就搵到同黃浩然同奪獎的共通點，「聽到『最 耀眼全方位男藝人』黃浩然喺台上感言，我突然發覺要成為全方位藝人係需要幾 個條件，第一就係要模特兒出身，第二就係結咗婚生咗小朋友，佢有個好好嘅太 太，我有個好好嘅先生，我當初做模特兒嘅時候，覺得自己唔係好適合做模特兒， 因我實在太鍾意食嘢，感覺做模特兒好似冇乜前途，後來好幸運去追求自己好鍾 意做嘅嘢，去學煮嘢，再有機會將學到嘅嘢有機會發揮出嚟，感謝我身邊有好多 好好嘅朋友、同事同團隊畀咗個好好嘅平台，畀我可以發揮出嚟，希望我可以煮 多啲好嘢畀屋企人食，做多啲好睇嘅美食節目畀大家欣賞。」