top of page

2021亞洲模特盛典香港賽區暨ACE TALENT演藝大獎 - 初賽


唐安麒博士日前以首席評審身份,現身《ACE Talent亞洲模特兒大賽香港賽區》初選,當日40名入圍參賽者即席進行才藝表演,當中18歲的小鮮肉王耀宏(Ivan)激似韓星金秀賢,憑住含羞的笑容及高挑的身形,再邊彈結他邊唱陳芳語的《愛你》,令現場空氣都充滿青春氣息,成功討得評判的歡心。至於12歲孖女參賽者Jaybie和Jaybo唱跳出色,亦令評判睇到拍爛手掌,極具明日之星風範。


有參賽者冇準備好背景音樂,仲自言「唔係好熟隻歌」,要邊唱邊拎住手機睇歌詞。 唐安麒狠批該參賽者冇禮貌、態度差。

不過,當日有個別參賽者並沒有好好準備,不單止背景音樂有原唱聲音,更邊唱邊拎住手機睇歌詞!該名參賽者於獻唱前說:「我唔係好熟隻歌,可唔可以拎住電話睇歌詞?」此話一出令氣氛跌至谷底,曾盛讚姜濤有禮貌和EQ的唐安麒仍保持氣量,待對方完成表演後才狠狠抨擊,她說:「操守同禮貌好緊要,參加比賽冇可能攞住電話睇歌詞,韓國人非常重視禮貌同態度,即使有才藝及外貌,冇禮貌一律OUT!」

Comments


bottom of page