top of page

韓國直擊︱C Lam.為港爭光 勇奪亞洲十大模特兒獎


國際模界年度盛事《Face Of Asia》模特兒選拔活動,剛在周五(14日)於韓國首爾舉行,今年參加ACE Talent演藝模特兒大賽並成為「Face of Hong Kong」得主的BrianBond(林灝邦)及C Lam.(翟司琳),代表香港出戰韓國,狀態大勇的C Lam.為港爭光,奪得「美肌大奬」以及成為《Face Of Asia》Top 10 Model殊榮,一人獨得兩大獎項。



唔敢食炸雞炒年糕

BrianBond、C Lam.連日來行程緊密,最令他們意想不到,是大會安排保鑣貼身保護參賽者,更常安排韓國地道美食給他們品嘗,C Lam.說:「出入都有保鑣護送,就算落雨,保鑣寧願自己淋雨,都要擔遮遮住我哋。每餐都係高熱量食物,好似炸雞、炒年糕、炸醬麵,我以為其他參賽者會少食,但係佢哋好enjoy猛咁食,得我同BrianBond為戒口而『揀飲擇食』,我有時為享受地道美食,惟有早餐午餐食少啲或者唔食,留返晚餐放肆啲食。」


外國模特兒鍾意增高鞋

面對來自不同國家的參賽者,C Lam.初時都擔心自己不夠高:「當fitting除晒鞋時,我發現自己算係中等身高,原來平時大家都會著增高鞋!同埋佢哋好似唔怕凍咁,成日背心短褲,個妝又化得靚,時刻保持戰鬥格!」她又稱,日前在議政府舉行的傳統服飾時裝展上行騷,見到個別穿著傳統服飾的模特兒,雖然衣衫單薄,仍能在嚴寒下發揮專業表現:「佢哋嘅表現令我好佩服!而我一行上台,感受到燈光一打落嚟,音樂一響,就好有能量嘅感覺,真係好鍾意企喺台上面!」

C Lam.說最難能可貴,是在比賽中獲得不少友誼,能和來自不同國家的參賽者相處融洽,進行文化交流:「好快大家相處得好開心,有講有笑,好似我同來自越南嘅model同房,我哋好好傾,亦都了解多咗越南嘅文化。」


Comments


bottom of page