top of page

胸大不代表冇腦︱學霸Kylie C.攻犯罪心理學助自閉兒

有波霸身材更是學霸材料的選秀亞軍鄭杞瑤(Kylie C.),曾因「怪獸」身材而自卑,後通過比賽而重建自信。胸大不代表冇腦,大學修讀犯罪心理學的她,從事行為治療的工作,最後為演藝夢而放棄高薪厚職,由醜小鴨變勇敢天鵝追逐夢想!


擁有36E上圍的Kylie C.,24歲之齡便贏得Ace Talent模特兒冠軍及演藝賽亞軍,因導彈身材備受注目,不過,驕人上圍一度是她的煩惱之源﹕「我算早發育,剛發育身材已經好勁,我讀女校其他女仔會覺得你好奇怪,好似怪獸咁,會畀人攞嚟講笑同改花名。」加上「爆」牙及因發育而身形暴脹,令她更加自慚形穢,就連當藝人的夢想也被自卑磨滅﹕「細個時好古靈精怪,好有表演欲,但對自己外表好無自信,覺得你幾有表演欲都好,都未必吸引到觀眾。」


大學畢業後Kylie狂做運動及箍牙去改善外表,促使她參加比賽,後在比賽首席評審唐安麒的幫助下,10日內全身勁減25吋及6磅,脫胎換骨勇奪獎項。人行後,她坦言已慢慢適應旁人目光及批評,問到會否接受性感演出?她說:「要睇公司安排,同埋要睇尺度,唔好太刻意去賣弄。」


比起身材,Kylie更渴望別人留意其內涵,Kylie是高材生一名,在大學修讀犯罪心理學,畢業後任職行為治療師幫助自閉症小朋友,對語言有興趣的她精通西班牙文,亦略懂韓文、日文及德文,擅長烹飪,最近正學習唱歌及跳舞以增值自己,可謂多才多藝。


講到感情生活,Kylie透露現時單身,問到擇偶條件,她的要求頗為特別:「唔好太高,唔好太大隻,唔好太靚仔,我唔鍾意啲人成日望住我另一半,鍾意有幽默感嘅人。」

Comments


bottom of page