top of page

棄高薪筍工追夢!Lenna T獲K-Pop天團導師傳授「舞」功

【特約報道】去年奪《ACE演藝模特大賽》演藝組季軍、現年24歲的ACE娛樂新人Lenna T,是17Live人氣直播主,3歲開始習舞,矢志入娛樂圈,是小時被韓團少女時代的熱情感染,自此就有想當女團成員的心。為向目標進發,學過不同舞蹈並獲獎無數的她,同時不忘學業,在DSE考獲Best 5 29分的成績外,之後更入讀香港中文大學翻譯系:「我唔想父母擔心,所以一直冇同佢哋講我想入行,我要先努力完成大學學位,令佢哋安心。」


2年前Lenna T大學畢業後,即獲聘月薪高達近5萬元的全職筍工,但為了鋪路入行,她甘願放棄,只做兼職如翻譯、電台幕後、教跳舞,疫情時收入更低至數千元,直至去年才加盟ACE娛樂。她說:「我唔怕被人話我發明星夢,跳舞係令我搵到人生嘅快樂同滿足,我本來冇天份,筋骨又硬,我靠嘅係努力同熱情,堅持就是勝利!」


在YS Group社長Yong Heo安排下,Lenna T早前在韓國接受為期近一個月的深造課程,導師全部來自YG,包括BLACKPINK等天團御用的編舞師Bini,以及人氣爆燈的Babyzoo。近日韓國歌手Somi推出的洗腦歌《Fast Forward》,和Somi一起狂舞的Babyzoo,立即成網民起底對象,風頭幾乎蓋過Somi!


Lenna T參加專業K-Pop舞蹈演藝訓練班時,表現優秀,獲得所有導師評級為一等優異獎,她說:「韓式訓練嘅次元好唔同,加強咗我跳舞嘅力度,導師以鼓勵形式帶動學習氣氛。熱愛跳舞嘅人,點都要嚟一次韓國體驗吓!」Lenna T說。



コメント


bottom of page