top of page

尾二一屆口罩小姐選舉丨「聞西」梁茜童爆冷奪冠全城派嬲 「師姐」王詠珩大熱倒灶三甲不入

ViuTV舉辦的《尾二一屆口罩小姐選舉》總決賽昨晚舉行,大會邀請到德昭、張敬軒和王丹妮擔任評判,12位參賽者戴上口罩在男團ERROR的帶領下出場,各自施展渾身解數表演才藝,大多數都是跳舞、唱歌為主,各有亮眼的演出。不過以泳裝答問環節,就以「Triple May」鄭杞瑤及「聞西」梁茜童的身材最為凸出。


最終大會公布賽果,冠軍由060號聞西(梁茜童)爆冷奪得,相信令不少觀眾大跌眼鏡,而亞軍和季軍分別是021號MK(黃僥霖) 、068號馬小玲(張可盈)奪得。原本是大熱之一、曾參選過世界小姐的「師姐」王詠珩只是得到第四名,不過她獲得「網絡最受歡迎口罩小姐獎」及「最佳自選造型獎」,而身材最豐滿的「Triple May」鄭杞瑤只排名11位。


賽果引起全城派嬲,ViuTV的FB被網友瘋狂留言,主要是由於網民喜愛的「師姐」大熱倒灶,而他們又認為「聞西」除口罩後落差非常大,「Viutv 近日喜與民受敵, 想測試我們熄機底線乎???還我c(師)姐」、「Viu咁多個選美今屆冠軍係最差」、「冠亞季到嚇親人…想玩趕客….ViuTV 你成功了」、「點睇都師姐係冠軍啦。。。點解會選個雪姨2.0做冠軍 真係CLS公司」、「呢屆真係變晒質,入決賽果班唔係選背景就係身材,過程低俗」、「冠亞季令我哋明白到口罩嘅重要性!」等等。


不過亦有網友力撐ViuTV指「口罩小姐」原意就是不是一般選美,「講返(番)句公道話,其實佢地(哋)一路講都話唔係選靚女,係要攪笑、好玩!」、「人地(哋)口罩小姐戴罩選係為左(咗)唔好比(畀)傳統審美眼光影響,多留意佢地既(哋嘅)才能,表現...」等等。

Comentarios


bottom of page