top of page

安普賢與Jisoo分手後首露面 JJBABY獲亞洲Model大獎

今年8月韓國BLACKPINK成員Jisoo和安普賢被爆出戀情,可惜二人曝光不足三個月就宣布分手,日前安普賢於韓國出席亞洲模界盛事《Asia Model Awards》頒獎禮,獲頒韓國「Model Star Award」,成為佢分手後首次出席頒獎禮,但佢仍然全程發揮暖男本色,展現親切笑容,未有因分手風波而受影響。



同場亦有港產孖妹童星組合JJBABY獲獎,現年14歲的Jaybo及Jaybie接連拍攝多部劇集,包括無綫台慶劇《叠影狙擊》中飾演周秀娜童年。JJBABY獲頒「Kids Star Award」,是首次有港人獲此殊榮,廣受韓國媒體高度關注。當日頒獎禮眾星雲集,得獎者還有韓國影帝趙震雄、韓國性感女神DJ Soda、李光洙女友李先彬(李善彬)。

為港爭光的Jaybo及Jaybie雖然首次出席海外大型頒獎禮,但她們全程保持淡定有禮,發表致謝詞時,全場來賓即拍手叫好,因為想不到來自香港的孖妹,不單說得一口流利的韓文,更認為她們以韓文致詞是顯尊重及誠懇,成為現場焦點之一,並被當地媒體大讚可愛有禮,對她們來自香港的背景甚感好奇。


Jaybo和Jaybie在韓國獲得首個重要的獎項,心情當然十分興奮:「真係好開心,估唔到可以喺韓國攞獎!Dr .Angel(唐安麒)一直以嚟教我哋要保持禮貌,見唔同嘅人都要主動打招呼、鞠躬,要養成呢個習慣。今次嚟到呢個頒獎禮,就明白點解Dr.Angel要咁教,因為我哋喺後台,見到好多演藝名人同韓團嘅得獎者,佢哋見到任何人都會咁做,好彩我哋已經養成呢個習慣,終於明白喺韓國演藝界,保持禮貌係最先決。」



コメント


bottom of page