top of page

孔德賢恨跟黃庭鋒採訪奧運 姚敬琛出道想同張敬軒合唱


大學主修體育及做過體育老師的黃庭鋒,與在綜藝節目《明星運動會》撗掃8面獎牌、有「TVB運動王」之稱的孔德賢一同出席「UC建華企業慈善跑」任嘉賓,黃庭峰在大學時學會13樣運動,樣樣皆精,在英國也玩過越野賽事,現時較喜歡球類運動,今日穿了皮鞋打扮型格現身,到場後感染現場氣氛也想參與跑步,後悔穿錯鞋,在場遇上不少香港運動員,表示要認人做定功課,他稱:「明年奧運嘅時候就可能捉住佢哋傾偈。(公司有安排未?)未,希望可以做主持,其實每一屆都希望可以參與,呢個係四年一度嘅盛事。」


孔德賢也希望能夠同黃庭鋒一起參與奧運盛事,談到跑步經驗,最難忘中學一次參加跑步比賽,苦練了半年,但比賽跑了10分鐘因太緊張致胃抽筋退出,當時忍不住喊起來:「好唔開心,老師都安慰咗我好耐,嗰次之後係一個好好嘅經驗,跑步要控制呼吸,緊張喘氣令橫膈膜一抽筋就跑唔到,知道學習呼吸嘅重要,不過都好懷念細個好熱血去練運動嘅日子。」另外,他有份主演的無綫劇《你好,我的大夫》昨晚大結局,讚蔡思貝和何廣沛演技好,帶動劇情十分感動,雖然自己的角色一早離世,但笑言有迴嚮很值得,他稱:「有日喺茶餐廳食早餐,突然有人好興奮大叫:『孔德賢,你死得好慘呀!』有人戥我心痛,覺得自己死得好值得。」


現年20歲「港隊飛人」姚敬琛,被譽為「田徑朴寶劍」,笑容可愛又是大隻仔,今日現身「UC建華企業慈善跑」,他表示下周有比賽,必須保留實力,而且長跑並非他專長,故今日未有參加慈善跑,不過以前都挑戰過參加3K及5K賽事。7月加盟Ace娛樂將推出新歌正式出道,新歌密羅緊鼓籌備中,預計明年面世,現努力學習跳舞,望向跳唱方面發展。他稱自細就鍾意唱歌,喜歡用歌聲表達自己,也是受偶像張敬軒的影響:「佢嘅歷史好感動到我,以佢為榜樣做好自己,發放正能量。(想同軒公合作?)想呀!合唱?當然想!佢畀Like我時,我瘋狂咗,Follow自己社交網時勁開心,真係夢寐以求。」透露知道軒公稍後會出席一個活動,他會往捧場見偶像,表達粉絲心態,希望到時能夠相認。


Comentários


bottom of page